Janubiy Koreya prezidentlik saylovini 3 iyun kuni o‘tkazishni rejalashtirmoqda

Janubiy Koreya hukumati prezidentlik saylovlarini 3 iyun kuni o‘tkazish niyatida, deya xabar bermoqda Yonhap agentligi hukumatdagi manbaga tayanib.

Prezidentlik saylovini o‘tkazish to‘g‘risidagi qaror 8 aprel kuni bo‘lib o‘tadigan vazirlar mahkamasi majlisida tasdiqlanadi

“Masalaning muhimligi va saylov kunini vaqtinchalik dam olish kuni deb e’lon qilish zarurligini inobatga olgan holda, qaror Vazirlar Mahkamasi majlisida tasdiqlanadi”, — deyiladi agentlik manbasidan iqtibos keltirgan holda.

Qayd etilishicha, davlat rahbari saylovi Konstitusiyaviy sud tomonidan prezident Yun Seok Yool lavozimidan chetlatilganidan keyin 60 kun ichida o‘tkazilishi kerak.

4 aprel kuni Koreya Respublikasi Konstitusiyaviy sudi prezident Yun Seok Yulning mamlakatda harbiy holat joriy etish to‘g‘risidagi qarori tufayli Milliy assambleya tomonidan chiqarilgan impichmentni bir ovozdan tasdiqladi. Sud raisi Mun Xyon Beyning ta’kidlashicha, Yun harbiy holat e’lon qilish va harbiy kuch ishlatish uchun yetarli asosga ega emas.

Yun 3 dekabr kuni “Shimoliy Koreya tarafdori davlatga qarshi kuchlarni yo‘q qilish” uchun harbiy holat e’lon qildi. Harbiylar parlamentga kelishdi, biroq deputatlar prezident qarorini bekor qilishga muvaffaq bo‘lishdi. Yalpi majlisda 190 nafar parlamentariy harbiy holatni bekor qilish uchun ovoz berdi, davlat rahbari va hukumat natijalarni qo‘llab-quvvatladi. Mudofaa vaziri iste’foga chiqdi. Dekabr oyi o‘rtalarida Milliy Assambleya Yunga impichment e’lon qildi.