Janubiy Koreya prezidenti Yun Sok Yolga xorijga chiqish taqiqlandi. Bu haqda dushanba kuni bo‘lib o‘tgan parlament eshituvida mamlakat adliya vazirligi vakili ma’lum qildi, deya Reuters xabar berdi.
Yonhap agentligi xabar berishicha, yuqori lavozimli shaxslar o‘rtasida korrupsiyani tergov qilish boshqarmasi rahbari prezidentning chet elga chiqishini man etishni so‘ragan. Yakunda adliya vazirligi tomonidan taqiqlov joriy etilgan.
Eslatib o‘tamiz, Janubiy Koreyada harbiy holat e’lon qilishga urinishi muvaffaqiyatsizlikka uchragan Yun Sok Yol lavozimini saqlab qolgan — parlament impichment to‘g‘risidagi qarorni qabul qila olmagandi.
Ronaldu "Real"ga qaytishi mumkin
Rossiyaning puxta ishlangan maxfiy rejasi oshkor bo‘ldi
Tabiat insondan o‘ch olmoqda
