Janubiy Koreya Qo‘shma Shtatlardan Janubiy Koreya tovarlari uchun tarif siyosatidan istisno qilishni so‘radi; evaziga respublika energetika va kemasozlik sohalarida hamkorlikni taklif qilmoqda.
Bu haqda Janubiy Koreya moliya vazirligi matbuot xizmati ma’lum qildi.
24 aprel kuni Vashington shahrida moliya vaziri Chxve San Mok, savdo vaziri An Dok Kin, AQSh moliya vaziri Skott Bessent va AQSh savdo vakili Jeymison Grir ishtirokida Koreya Respublikasi va AQSh o‘rtasida maslahatlashuvlar bo‘lib o‘tdi.
"Savdo vaziri An Dok Kin Amerika kemasozlik sanoatini tiklash, Koreya Respublikasining energetik xavfsizligini yaxshilash, shuningdek, o‘zaro savdo bilan bog‘liq ikki tomonlama ishtirokdagi turli loyihalarni taklif qildi. Shuningdek, Koreya Respublikasi uchun o‘zaro tariflar va tarmoq tariflari bo‘yicha imtiyozlar berishni so‘radi", — deyiladi xabarda. – Maslahatlashuvlar do‘stona ruhda o‘tdi.
Aprel oyida AQSh prezidenti Donald Tramp Janubiy Koreya tovarlariga bojlar 25 foizni tashkil etishini e’lon qilgan, biroq ularni 90 kunga 10 foizga tushirgan edi. Bundan tashqari, AQSh ma’muriyati 3 apreldan boshlab barcha import qilingan avtomobillarga 25 foizlik bojxona to‘lovlarini joriy qildi.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
"El-Klasiko" oldidan "Barselona" muxlislari uchun xushxabar bor
