Janubiy Afrikada maktabga uyushtirilgan qurolli hujumda olti kishi halok bo‘ldi

Janubiy Afrikaning janubida maktabga qurolli hujum uyushtirilib, mahalliy polisiya tarkibiga kiruvchi olti kishi halok bo‘ldi.

Bu haqda Sharqiy Keyp provinsiyasi polisiyasi vakili Mayola Nkoxli ma’lum qildi.

"7 oktyabrga o‘tar kechasi Godini qishlog‘idagi o‘rta maktab binosi ichida miltiq va to‘pponcha bilan qurollangan sakkiz kishidan iborat guruh patrulchilar guruhiga hujum qildi. Olti nafar polisiya tarkibiga kiruvchi halok bo‘ldi, yana to‘rt nafari yaralandi", - dedi u.

Polisiya jinoyatda gumonlanuvchilarning shaxsini aniqladi. Dastlabki ma’lumotlarga ko‘ra, hujum qilganlar chorva o‘g‘irligiga ixtisoslashgan jinoiy guruh a’zosi bo‘lishi mumkin.

Janubiy Afrika, Datapandas hisob-kitoblariga ko‘ra, jinoyatchilik darajasi eng yuqori bo‘lgan dunyodagi uchta mamlakatdan biridir. Mahalliy “Demokratik alyans” partiyasiga ko‘ra, 2024 yilda mamlakatda kuniga o‘rtacha 75 ta qotillik sodir etilgan.