Janubiy Afrika Respublikasi Milliy Assambleyasi spikeri Nosivive Nolutando Mapisa-Nkakula Rossiya-Afrika ikkinchi xalqaro parlament konferensiyasida Rossiya va Ukraina parlamentariylari o‘rtasida muloqotni boshlashga chaqirdi.
Uning so‘zlariga ko‘ra, u rossiyalik parlamentariylar bilan Rossiya va Ukraina parlamentariylarining muloqotga kirishishi va o‘zaro hamkorlikni boshlashi zarurligi haqida gaplashgan.
“O‘ylaymanki, bu ikki davlat o‘rtasidagi muloqot muvaffaqiyatli bo‘lishining yagona yo‘li, faqat shu yo‘l bilan biz Ukraina mojarosini hal qilishda yaxshiroq natijaga erishamiz”, — deya uning so‘zlarini keltiradi TASS.
