Toshkent shahri hokimi Jahongir Ortiqxo‘jayev jurnalistlar bilan uchrashuvda davlatga xiyonat qilmaganini aytib o‘tdi.
"Davlatning bir so‘miga ham xiyonat qilganim yo‘q. Yonimdan bergan bo‘lsam berganman, ammo olmaganman. Hokim bo‘lganimda 35 ta mashinam bor edi. Men juda yaxshi ko‘raman mashinani. Hozir oltiga qoldi. Yaqinda yana bitta mashinamni auksionga qo‘yaman. Tushgan pul yuragida nuqsoni bor bolalarga sarflanadi. Agar bu ish gunoh bo‘lsa, men roziman", dedi Ortiqxo‘jayev.
