Biznes yuritishni yengillashtirishda eng katta islohotlar amalga oshirgan dunyodagi 20ta top-davlatlar ichida O‘zbekiston ham e’tirof etildi. Bu haqda «Huquqiy axborot» Telegram kanali xabar berdi.
Jahon banki «Biznes yuritish» xalqaro reytingi doirasida oxirgi bir yil ichida biznes yuritishda yengilliklarni nazarda tutuvchi eng ko‘p islohotlarni amalga oshirgan 20 ta davlatni e’tirof etdi. Bular ichida O‘zbekistonda 5 ta yo‘nalish bo‘yicha amalga oshirilgan qadamlar alohida tan olindi.
Jahon banki O‘zbekiston oxirgi davrda minoritar investorlarni himoya qilishni mustahkamlagan, soliqlar to‘lash tizimini soddalashtirgan, shartnomalar ijrosini amalga oshirishni kuchaytirgan, shuningdek tashqi savdo yo‘nalishida sezilarli yangiliklar kiritgan.
Bunday tashqari, tijorat tashkilotlarida mustaqil kengash a’zolari bo‘lishi yuzasidan yangi talablar va audit qo‘mitalarining mavqeyi mustahkamlandi.
Infratuzilma soliqlari foyda solig‘i bilan birlashtirilgani ham alohida ta’kidlangan. Jahon banki mediasiya institutini rivojlantirishga qaratilgan qadamlarni ham e’tirof etib, bu borada yagona huquqiy baza shakllanganini va mediasiyadan foydalanishni rag‘batlantirish mexanizmlari joriy etilganini ta’kidlagan.
Bojxona sohasida esa xavf-xatarni tahlil qilish asosida tekshiruvlarni amalga oshirish tartiblari kiritilganini ham ma’qullagan.
«Adliya vazirligi ushbu yo‘nalishda islohotlarni olib borishda ishtirok etgan barcha tashkilotlar va ularning mutasaddilarini ushbu e’tirof bilan tabriklaydi», deyiladi vazirlik matbuot xizmati xabarida.
Shohjahon Jo‘rayev ikki yil oldin otasi Sherali Jo‘rayevni sudga bergan
Buyuk Britaniya TIV fuqarolariga O‘zbekistonning ayrim hududlariga bormaslikni tavsiya qildi
DXX o‘rinbosarlarning kirdikorlarini fosh etdi
