Italiyada hibsga olingan Krasnoyarsk o‘lkasi gubernatori Aleksandr Ussning o‘g‘li Artyom Apellyasiya sudi qaroriga ko‘ra uy qamog‘iga olindi.
Bu haqda “RIA Novosti”ga Rossiyaning Milandagi bosh konsuli Dmitriy Shtodin ma’lum qildi.
“Rossiya fuqarosi Artyom Uss bugun uy qamog‘iga o‘tkazildi. Italiyalik advokatlarning so‘zlariga ko‘ra, uni Milan chekkasidagi kvartiraga olib ketishgan, uning oilasi buning uchun maxsus ijaraga olgan ”, dedi u.
AQSh Adliya vazirligi 19 oktyabr kuni Amerika rasmiylarining iltimosiga binoan Ussning Italiyada hibsga olinishi haqida ma’lum qildi.
