Bu haqda Il Messaggero nashri ma’lum qildi.
"Rim Yaqin Sharqdagi mojaro tugagunga qadar Isroil bosh vaziri Binyamin Netanyahuni hibsga olish uchun Xalqaro Jinoyat Sud tomonidan berilgan order ijrosini to‘xtatib turishga harakat qilmoqda", deb yozadi nashr G7 Tashqi ishlar vazirlarining uchrashuvi yakunlariga asoslanib.
Gazetaning qayd etishicha, G7 davlatlarining bu boradagi pozisiyalari turlicha. Masalan, AQSh XJS yurisdiksiyasini tan olmaydi, Buyuk Britaniya esa o‘zining "xalqaro majburiyatlariga" amal qilishini bildirdi. Italiya esa XJSni qo‘llab-quvvatlaydi, ammo "qaror qonuniy asoslangan bo‘lishi va siyosiy tusga ega bo‘lmasligi kerak" deb hisoblaydi.
