Issiqko‘lda dron yerga quladi va yonib ketdi

Issiqko‘lda dron halokatga uchradi. Qirg‘iziston Milliy xavfsizlik qo‘mitasi Chegara xizmati qulab tushgan dron bo‘yicha izoh berdi.

- 14 avgust kuni Baliqchi o‘quv poligoni hududida yangi turdagi kichik taktik dronning o‘quv sinovlari o‘tkazildi. U Issiqko‘l viloyatining Tamchi aeroportiga kirish chog‘ida ma’lum nuqtaga yetmasdan yerga qulab, yonib ketdi, - deya QR Milliy xavfsizlik qo‘mitasi Chegara xizmati xabar berdi.

Kichkina dron halokati natijasida qurbonlar yo‘q. Hozirda aeroport hududi dron qismlaridan tozalanmoqda. Sinovchilar guruhi dronning qulashi sabablarini o‘rganmoqda.

Maxsus idoraning ta’kidlashicha, barcha uchuvchisiz razvedka va hujum mashinalari, jumladan, Qirg‘iziston Respublikasi Milliy xavfsizlik davlat qo‘mitasi Chegara xizmatiga xizmat qilayotgan Bayraktar ham zarar ko‘rmagan.