Bu haqda Associated Press UEFA'ga tayanib yozmoqda.
Dastlab Yevropa ligasi doirasidagi o‘yin “Beshiktosh”ning Istanbuldagi uy stadionida o‘tkazilishi rejalashtirilgan edi, biroq 7 noyabr kuni Amsterdamda “Ayaks” va “Makkabi” o‘rtasidagi o‘yindan keyin o‘nlab isroillik muxlislar hujumga uchragach, Turkiya hukumati o‘yinni mamlakatda o‘tkazmaslikka qaror qildi.
“Beshiktosh” ijtimoiy tarmoqlardagi sahifalarida 28 noyabryu kuni Debresendagi stadionda bo‘lib o‘tadigan o‘yinga Vengriya mezbonlik qilishga rozi bo‘lgan yagona davlat ekani haqida xabar berdi. Vengriya hukumati xavfsizlik nuqtai nazaridan o‘yinni tomoshabinlarsiz o‘tkazishni so‘ragan.
