Isroilning G‘azodagi tajovuzlari yuzasidan beshta davlat Xalqaro jinoiy sudga murojaat qildi

Besh davlat Isroil armiyasining G‘azo sektoridagi hujumlarini tergov qilishni talab qilib, Xalqaro jinoiy sud prokuraturasiga murojaat qildi.

Bu haqda XJS saytidagi xabarda aytiladi.

Bu talab Bangladesh, Boliviya, Jibuti, Komor orollari va Janubiy Afrika tomonidan qilingan.

Bayonotda qayd etilishicha, Rim statutiga muvofiq, ishtirokchi-davlat boshqa ishtirokchi davlat hududida sodir etilgan jinoyatlarni tergov qilish uchun XJS prokuraturasiga murojaat qilishi mumkin.

2021 yil 3 martdan boshlab XJS 2014 yil 13 iyundan beri G‘azo sektori va G‘arbiy Sohilda sodir etilgan sud yurisdiksiyasi doirasidagi jinoyatlarni tergov qilmoqda.