26 iyun kuni ertalab Isroil armiyasi tomonidan G‘aza sektoriga qilingan havo hujumlari oqibatida kamida 21 falastinlik halok bo‘ldi. Qurbonlar orasida bolalar va gumanitar yordam kutayotgan tinch aholi vakillari ham bor.
Bemorlarni qabul qilgan shifoxonalar manbalariga ko‘ra, Shayx Ridvon mahallasida joylashgan «Amr bin al-As» maktabi Isroil aviasiyasi tomonidan bombardimon qilingan. U yerda vaqtincha joylashtirilgan ko‘chirilgan aholi bor edi. Hujum natijasida 9 kishi halok bo‘ldi.
Shuningdek, G‘azaning markaziy qismidagi Nesarim gumanitar koridori yaqinida, yordam kutayotgan fuqarolarga ham hujum qilindi. Ushbu hodisada 3 falastinlik nobud bo‘ldi.
