Isroilning Buyuk Britaniya bilan munosabatlari buzilishi mumkin

London Falastinni tan olsa, Isroil Buyuk Britaniya bilan mudofaa va xavfsizlik sohasidagi hamkorlikni to‘xtatishni ko‘rib chiqmoqda.

Bu haqda Times gazetasi diplomatik manbalarga tayanib yozmoqda.

Manbalarga ko‘ra, Isroil Bosh vaziri Benyamin Netanyaxu hukumati, Buyuk Britaniya kelgusi oyda Falastinni tan olish jarayonini davom ettirsa, bu javobni variantlardan biri sifatida ko‘rib chiqmoqda.

"London ehtiyot bo‘lishi kerak, chunki Netanyaxu va uning vazirlarida o‘ynashi mumkin bo‘lgan kartalari bor. Isroil Buyuk Britaniya bilan hamkorlikni qadrlaydi, biroq so‘nggi qarorlar uning bosim ostida ekanligini anglatadi va agar Isroil hukumati javob choralarini ko‘rishga qaror qilsa, Buyuk Britaniya ko‘p narsani yo‘qotadi", - dedi manba.