Fransiya prezidenti Emmanuel Makron Isroilga qarshi siyosat olib borishda davom etmoqda.
Bu haqda Isroil TIVning X ijtimoiy tarmog‘idagi bayonotida aytilgan.
"Prezident Makronning Isroil davlatiga qarshi yurishi davom etmoqda. Makronni faktlar qiziqtirmaydi. Gumanitar blokada yo‘q. Bu ochiq yolg‘on", - deyiladi vazirlik sahifasida.
Juma kuni Makron G‘azo sektoriga to‘liq miqyosda gumanitar yordam yetkazilishi tiklanmasa, Yevropa Isroilga qarshi choralarni kuchaytirishi kerakligini aytdi. Uning qayd etishicha, Isroilning G‘azoga gumanitar yordam olib kirishga qo‘ygan taqiqi hali to‘liq bekor qilinmagan, shu bois G‘azodagi gumanitar vaziyat og‘irlashmoqda.
O‘z navbatida, Isroil TIV joriy haftada G‘azo sektoriga gumanitar yordam yuklangan 900 ga yaqin yuk mashinasi ruxsat etilganini, yana yuzlab yuk mashinalari BMT xodimlari tomonidan qayta ishlashni kutayotganini ta’kidladi.
Shu bilan birga, Tashqi ishlar vazirligining tushuntirishicha, G‘azo gumanitar jamg‘armasi homiyligida gumanitar yordam tarqatish markazlari ish boshladi, buning natijasida G‘azo sektori aholisi allaqachon ikki million rasion va o‘n minglab yordam to‘plamlarini olishgan.
“Ammo Makron jihodchi terrorchilarga ta’sir o‘tkazish o‘rniga, ularni Falastin davlati bilan mukofotlamoqchi va Makronning sanksiyalarga erishish istagi ham birdaniga bir necha jabhadan hujumga uchragan, ular yo‘q qilishga urinayotgan Isroilga qarshi qaratilgan", — ta’kidladi TIV.
Dahshat! Vafot etgan 88 yoshli ayol tobutda hushiga keldi
BAA bosh murabbiyi muxlislarga murojaat bilan chiqdi
Hindiston cho‘kib ketmoqda - yarim milliondan ortiq qurbonlar
