Isroil sentyabr oyida G‘azo va G‘arbiy Sohilda OAV xodimlariga qarshi 185 ta qoidabuzarlik sodir etgan

Isroil sentyabr oyida G‘azo va G‘arbiy Sohilda ommaviy axborot vositalari xodimlariga qarshi 185 ta qoidabuzarlik sodir etgan.

❕ Joriy yilning sentyabr oyida Isroil G‘azo sektori va bosib olingan G‘arbiy Sohilda jurnalistlar va ommaviy axborot vositalariga qarshi 185 ta jinoyat sodir etgan. Buni Falastin jurnalistlari ittifoqi tadqiqot ma’lumotlari tasdiqlaydi.

Xususan, gap qotillik, jarohat yetkazish, o‘t ochish, ommaviy axborot vositalarini hibsga olish va yopish kabi huquqbuzarliklar haqida bormoqda.

Falastin Jurnalistlari Uyushmasi ma’lumotlariga ko‘ra, G‘azo sektorida ikki nafar OAV xodimi Isroil harbiylari tomonidan halok bo‘lgan, to‘qqiz nafari esa G‘azo sektori va G‘arbiy Sohilda haqiqiy o‘q-dorilar va raketa parchalari bilan yaralangan. Bundan tashqari, matbuot guruhlari o‘z vazifalarini bajarayotib, 44 marta o‘qqa tutilgan. Qolaversa, bu voqealarni yoritishning oldini olish maqsadida qilingan. Shuningdek, 5 nafar OAV xodimi, jumladan, ikki ayol qo‘lga olindi, media tuzilmalari va jurnalistlar xonadonlarida 10 ta reyd va tintuv o‘tkazildi. Yana 23 nafar OAV xodimi Isroil harbiylari tomonidan gaz ishlatgani uchun bo‘g‘ilib qolish, 10 nafar jurnalist esa harbiy mashinalar bosib ketish xavfi ostida qolgan.

Bundan tashqari, G‘arbiy Sohilda 67 ommaviy axborot vositalari xodimlarining xabar berishiga tizimli ravishda to‘sqinlik qilindi. Qatarning Al-Jazira teleradiokompaniyasining Ramallohdagi ofisi yopilib, jihozlari musodara qilindi, Jenin shahridagi Radio Nas va 11 ta ommaviy axborot vositalarining jihozlari yo‘q qilindi.