Isroil Eronga qarshi yirik harbiy operasiya tayyorlamoqda, bu Ikkinchi jahon urushidan keyingi eng yirik harbiy operasiya hisoblanadi. Bu haqda Isroil televideniyesining 14-kanali xabar berdi.
Qayd etilishicha, operasiyani Isroil kuchlarining o‘zlari yoki AQSh bilan kelishilgan holda amalga oshirish mumkin. Muvaffaqiyatli bo‘lsa, Eronning siyosiy tuzilmasida jiddiy o‘zgarishlarga olib kelishi mumkin.
Avvalroq Vashington Isroilga Eron nishonlariga zarba berish uchun mo‘ljallangan kuchli bunkerlarni yo‘q qiladigan raketalarni ommaviy yetkazib berishni boshlagan edi.
Bundan tashqari, yaqinda AQSh va Isroil harbiy-havo kuchlari tanker samolyotlari va bombardimonchi samolyotlar yordamida uzoq masofalarga keng ko‘lamli havo hujumlarini amalga oshirish bo‘yicha qo‘shma mashg‘ulotlar o‘tkazdi .
Shuningdek, so‘nggi kunlarda Eron chegaralari yaqinida Eronning harbiy-texnik holatini baholovchi Amerika razvedka samolyotlarining razvedka parvozlari qayd etildi.
Bularning barchasi mintaqadagi o‘ta keskin vaziyatdan dalolat beradi, bu esa barcha tomonlar uchun og‘ir oqibatlarga olib keladigan keng ko‘lamli urushga aylanishi mumkin.
Agar hujum amalga oshirilsa, Tehron Isroilning harbiy va strategik nishonlariga yirik raketa va dron zarbalari bilan javob berishi kutilmoqda .
Mutaxassislarning fikricha, Eron Inqilobiy Gvardiyasida yuzlab kilogramm portlovchi moddalarni olib o‘tishga qodir minglab yer-er raketalari va qanotli raketalar mavjud. Ular orasida “Shahab” va “Xaybar” turkumidagi raketalar, shuningdek , Isroil harbiy infratuzilmasiga jiddiy zarar yetkazishi va katta yo‘qotishlarga olib kelishi mumkin bo‘lgan “Shahed” kamikadze dronlari bor.
🔴 BAA sudidan shov-shuvli qaror: o‘zbekistonliklar o‘limga hukm qilindi!
Quvayt endi Eronga oshkora va’da berdi
Chernobil hayvonlarida kutilmagan superqobiliyatlar aniqlandi
