Isroil rasmiylari 2023 yil 21 aprelda tugaydigan islomiy muqaddas Ramazon oyi oxirigacha yahudiylar va musulmon bo‘lmagan sayyohlarga Ma’bad tog‘iga borishni taqiqladi.
Isroil bosh vaziri Binyamin Netanyaxuning idorasida ma’lum qilinishicha, bu qaror xavfsizlik masalalari bo‘yicha o‘tkazilgan yig‘ilish natijasida qabul qilingan.
“Mudofaa vaziri, Bosh shtab boshlig‘i, Bosh xavfsizlik xizmati boshlig‘i va polisiya bosh inspektorining bir ovozdan tavsiyasiga ko‘ra, yahudiylar va sayyohlarning Ma’bad tog‘iga tashrif buyurishini Ramazon oyining oxirigacha taqiqlashga qaror qilindi”, — deyiladi TASS xabarida.
