Isroil G‘azoga 200 ming tonnadan ortiq bomba tashlagan — Rajab Toyyib Erdo‘g‘an

Turkiya prezidentining boshqa bayonotlari:

◾️ G‘azo ustiga tashlangan bombalarning umumiy og‘irligi Xirosimaga tashlangan bombalar og‘irligidan 14 baravar ko‘p bo‘ldi;

◾️ Isroil tomonidan qoidabuzarliklar ko‘payib borayotganiga qaramay, HAMASning sokin va muvozanatli pozisiyasi tufayli G‘azo sektorida o‘t ochishni to‘xtatish rejimi saqlanib qolmoqda;

◾️ Turkiyadan Suriyaga qaytgan qochqinlar soni 580 ming nafarga yetdi;

— ISHID bilan yuzma-yuz jang qilgan NATO'ning yagona a’zosi sifatida biz Suriya hukumatiga ushbu terrorchilik tashkilotiga qarshi kurashda har tomonlama yordam ko‘rsatmoqdamiz;

Yaqinda Qora dengizda amalga oshirilgan hujumlar Qora dengizda kemalar qatnovi xavfsizligiga jiddiy tahdid solmoqda. Tijorat va fuqarolik kemalariga qilingan hujumlar hech kimga foyda keltirmaydi. Bu masala bo‘yicha har ikki tomonga o‘z ogohlantirishlarimizni aniq yetkazdik.