Isroil G‘azodagi Xamasga qarshi yirik havo hujumlarini boshladi

Ayni damda G‘azo sektori bo‘ylab terror tashkilotiga qarshi kuchli hujumlar davom etmoqda, dedi Isroil harbiylari.

19-yanvardan beri Isroil va HAMAS o‘rtasida o‘t ochishni to‘xtatish kelishuvi amalda edi, biroq tomonlar kelishuvning ikkinchi bosqichiga o‘tish bo‘yicha kelisha olmadi: Isroil barcha garovga olinganlarni ozod qilishni, Xamas esa G‘azodan barcha Isroil qo‘shinlarini olib chiqib ketishni talab qildi.

Havo hujumlari Xamasning "garovga olinganlarni ozod qilishdan qayta-qayta rad etishi, shuningdek, AQSh prezidentining elchisi Stiv Vitkoff va vositachilardan olgan barcha takliflarni rad etishiga" javobdir, - deya xabar beradi Isroil Bosh vaziri Binyamin Netanyaxu idorasi.

Hujumlar bir vaqtning o‘zida bir nechta joylarda, jumladan, G‘azo sektorining shimoliy qismida, G‘azo shahri va mintaqaning markaziy va janubiy qismlaridagi Dayr al-Balah, Xon Yunis va Rafada sodir bo‘lgan. G‘azoning Xamas nazoratidagi Sog‘liqni saqlash vazirligi kamida 200 kishi halok bo‘lganini ma’lum qildi.

Hujumlarning qayta boshlanishi tomonlar o‘rtasidagi muzokaralar yakunlanganini anglatmaydi. Ular hali ham vositachilar - AQSH, Misr va Qatar orqali borishlari mumkin.

2023-yil 7-oktyabrda XAMAS terrorchilari 251 kishini o‘g‘irlab ketishgan; 58 nafari hamon G‘azo sektorida. Isroil armiyasi ma’lumotlariga ko‘ra, ulardan 34 nafari halok bo‘lgan.