Isroil armiyasi 21 iyunga o‘tar kechasi Eron g‘arbida amalga oshirilgan havo hujumi natijasida Islom inqilobi muhofizlari korpusining yuqori lavozimli qo‘mondoni Behnom Shahriyoriy halok bo‘lganini ma’lum qildi. U HAMAS va boshqa guruhlarni qurol bilan ta’minlashda ayblangan.
Isroil Mudofaa kuchlari (SAHAL) Eronning Islom inqilobi muhofizlari korpusi (IIMK) tarkibidagi «190-otryad» rahbari Behnom Shahriyoriy 21 iyun kuni tongda havo zarbasi natijasida nobud bo‘lganini e’lon qildi. Isroil tomoniga ko‘ra, Shahriyoriy Eron g‘arbida shaxsiy avtomobilida harakatlanayotgan paytda harbiy havo kuchlari zarbasiga uchragan.
SAHALning ta’kidlashicha, Shahriyoriy mintaqadagi Eronga sodiq qurolli guruhlar — jumladan, HAMAS, «Hizbulloh» va Yamandagi husiychilarga qurol yetkazib berish operasiyalarini boshqargan. Uning Turkiya va Livandagi aloqalari orqali moliyalashtirish va qurollantirish jarayonlarida ishtirok etgani aytilmoqda.
Bu shaxsning o‘limi Isroilga dushman bo‘lgan kuchlarning qayta tashkil topishi va jangovar qobiliyatini tiklash jarayoniga jiddiy ta’sir ko‘rsatishi taxmin qilinmoqda. SAHALga ko‘ra, Shahriyoriyning faoliyati mintaqada terrorchilik harakatlarini qo‘llab-quvvatlashda muhim ahamiyatga ega bo‘lgan.
SAHAL bu zarbani Isroil xavfsizligi uchun strategik zarurat sifatida baholamoqda. Shahriyariyning o‘limi nafaqat Eronning harbiy strukturasidagi yo‘qotish, balki mintaqaviy qurolli guruhlar uchun ham zarba sifatida ko‘rilmoqda.
Hozircha Eron tomoni bu hodisa yuzasidan rasmiy izoh bermadi.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Ayrim maktablarda qizlarga yubka kiyish taqiqlandi. Ota-onalar norozi!
Yuragi urib turgan bemor o‘lganga chiqarildi va uning ichki a’zolaridan foydalanishdi
