Isroil Eron bilan urushda Rossiyaning Ukraina urushidagi muvaffaqiyatsizliklaridan saboq chiqardi — The Wall Street Journal

"Isroil atigi ikki sutka ichida havoda ustunlikni qo‘lga kiritdi. Rossiya esa Ukrainadagi urushda bunday ustunlikka uch yarim yilda ham erisha olgani yo‘q", deb yozmoqda gazeta.

Eron bilan urush boshlanganidan ikki kun o‘tib, Isroil g‘arbiy Eron, jumladan Tehron ustida havo ustunligiga erishganini e’lon qildi. Endilikda Isroil harbiylari qimmatbaho uzoq masofali raketalardan foydalanish o‘rniga, Eron havo hududida bevosita bombalar tashlashni boshlagan.

Harbiy tahlilchilar va mutaxassislarning ta’kidlashicha, bunday havo ustunligi — Rossiya armiyasi Ukrainada uzoq yillik jangovar harakatlarga qaramay, qo‘lga kirita olmagan holat hisoblanadi.