Isroil bombardimonidan keyin Sana ayeroportidagi barcha reyslar keyingi ogohlantirishgacha to‘xtatildi. Bu haqda Yamanning “Ansorulloh” (xusiylar) harakati nazoratidagi Sana ayeroporti direktori Xolid ash-Shayf ma’lum qildi.
Uning so‘zlariga ko‘ra, ayeroportga katta zarar yetgan, zarar esa, dastlabki hisob-kitoblarga ko‘ra, kamida 500 million dollarni tashkil etadi.
"Dushman Isroil Sana ayeroportiga ikki turdagi vayron qiluvchi kuchga ega raketalar bilan hujum qildi. "Qo‘nish yo‘laklariga to‘rtta raketa zarbasi berildi”, dedi u husiylar nazoratidagi Al-Masirah telekanaliga.
Isroil yo‘lovchi zallari va terminaldagi barcha jihozlarni ishdan chiqardi, logistika binosini butunlay vayron qildi, deya qo‘shimcha qildi Al-Shayf.
Uning ta’kidlashicha, ayeroportda harbiy harakatlar kuzatilmagan va Isroilning zarba berishga asoslari yo‘q.
Al-Shayf, shuningdek, hujum oqibatida yuzaga kelgan yong‘in tezda o‘chirilganini aytdi. "Yemen Airways aviakompaniyasiga tegishli uchta yo‘lovchi samolyotini yo‘qotdik. Faqat bittasi qoldi, u Iordaniya poytaxti Ammanda joylashgan. AYEroportni vaqtinchalik boshqarish uchun muqobil variantlarimiz bor, lekin uni avvalgi holatiga qaytarish uzoq vaqt talab etadi", — dedi ayeroport direktori.
Isroil avvalroq Yamanning hutiylar nazorati ostidagi poytaxti Sana shahriga berilgan havo hujumlari xalqaro ayeroportni butunlay ishdan chiqqanini aytgan edi.
Pokiston va Afg‘oniston o‘rtasida qurolli mojaro boshlandi
Ukraina Rossiyaning muhim harbiy ob’ektlariga zarba berdi
Rossiya tashqi ishlar vaziri Germaniyani ogohlantirdi
