Isroil BMTning bir nechta organlari bilan aloqalarini uzmoqda

Isroil BMTning bir nechta agentliklari va xalqaro tashkilotlar bilan aloqalarini uzadi.

Isroil tashqi ishlar vaziri Gideon Saar bu haqda e’lon qildi.

Uning ta’kidlashicha, bu qaror ushbu tashkilotlarning Isroilga nisbatan tarafkashligi tufayli qabul qilingan.

"Isroil ISHID va "Boko Haram" bilan birga ushbu ro‘yxatga kiritilgan yagona demokratik mamlakatdir", deyiladi bayonotda.

Isroil darhol quyidagi agentliklardan chiqib ketmoqda: BMT Bosh kotibining Bolalar va qurolli mojarolar bo‘yicha maxsus vakili idorasi; BMTning Gender tengligi va ayollar huquqlarini kengaytirish bo‘yicha idorasi (BMT Ayollar); BMTning Savdo va rivojlanish bo‘yicha konferensiyasi; BMTning G‘arbiy Osiyo uchun iqtisodiy va ijtimoiy komissiyasi; BMTning Sivilizasiyalar alyansi; BMTning Energetika komissiyasi; va Migrasiya va rivojlanish bo‘yicha global forum.

Isroil tashqi ishlar vazirligi bayonotida BMT Bosh kotibining Bolalar va qurolli mojarolar bo‘yicha maxsus vakili idorasi bilan hamkorlik Isroilni bolalar va qurolli mojarolar bo‘yicha yillik hisobotida XAMAS va "Falastin jihodi" bilan birga qora ro‘yxatga kiritganidan keyin to‘xtatilgani aniqlik kiritildi.

Vazirlik Isroilning BMTning boshqa agentliklari bilan aloqalarini o‘rganishda davom etishini qo‘shimcha qildi.