Eronlik muxolifatchi jurnalist Vahid Kehrizek shahridagi sud-tibbiyot markazidan olingan suratlarni e’lon qildi. Tasvirlarda — norozilik namoyishlari paytida halok bo‘lgan fuqarolarning jasadlari aks etgan.
Kehrizek — Eronning shimolida joylashgan, aholisi taxminan 37 ming kishini tashkil etuvchi kichik shahar. Ma’lum bo‘lishicha, namoyishlarda halok bo‘lganlarning jasadlari aynan shu yerga olib kelinmoqda.
Suratlar shanba kuni, 10 yanvar sanasida olingan.
Vahid guvoh so‘zlarini keltiradi:
«Men internetga ulanish va ushbu kadrlarni yuborish uchun ming kilometr yo‘l bosib keldim. Ular jasadlarni konteynerlarga tashlashmoqda. Faqat o‘sha kunining o‘zida yerda sochilib yotgan 2000 nafardan ortiq jasad bor edi. Biz kelganimizda bir konteyner to‘liq yuklangan edi. Odamlar yaqinlarining jasadlarini topganida, sud-tibbiyot xodimlari o‘qdan yetgan jarohatlarni qayd etib, kodlangan ruxsatnoma berishar, shundan so‘ng oilalar navbatga turishar edi».
Shu orada Eron Sog‘liqni saqlash vazirligining yuqori lavozimli amaldori The New York Times nashriga butun mamlakat bo‘ylab taxminan 3000 nafar inson halok bo‘lganini ma’lum qildi va qurbonlar soni yanada ortishi mumkinligini qo‘shimcha qildi.
"Tez orada Vatanimga qaytishga hozirlik ko‘rmoqdaman"
Italiya Bosh vaziri: "Evropa va Rossiya o‘rtasidagi muloqotni qayta tiklash vaqt keldi, aks holda Putinning qo‘lida o‘ynaymiz"
Propan narxining ko‘tarilishi bo‘yicha bayonot e’lon qilindi
