Isroil armiyasi Beyrut hududidagi "Hizbulloh" tashkilotining raketa ishlab chiqarish inshootlari va qurol-yarog‘ omborlarining katta qismini yo‘q qildi.
Bu haqda armiya matbuot xizmati ma’lum qildi.
Bu inshootlar "Hizbulloh" qarorgohi joylashgan Beyrut chekkasi Dahiyada to‘plangan. Isroil tomoniga ko‘ra, radikal tashkilot ularni ataylab tinch hududlarga, tinch aholi binolari ostida joylashtirgan. Harbiylarning so‘zlariga ko‘ra, ushbu infratuzilma "so‘nggi 20 yil ichida" qurilgan va "Isroil davlatiga jiddiy zarar yetkazish uchun mo‘ljallangan yuzlab raketalar va snaryadlarni ishlab chiqarish va saqlashga" imkon bergan.
Bayonotda qayd etilishicha, Isroil harbiy razvedkasi bu "Hizbulloh" inshootlarining joylashuvi haqida yillar davomida ma’lumot to‘plagan va endi bir necha hafta ichida Isroil havo kuchlari samolyotlari bir qator havo hujumlarida tarmoqning katta qismini yo‘q qilgan. "Ushbu zarbalar davomida ko‘plab ikkilamchi portlashlar qayd etildi, bu esa zarbalar nishoni bo‘lgan infratuzilmada qurol borligini tasdiqlaydi", — deyiladi matbuot xizmati xabarida.
«Qiyomat muzligi» kutilganidan tezroq xavf sola boshladi
Er yuzining eng go‘zal ayoli aniqlandi
Afg‘oniston varianti Ukraina uchun mos deb topildi
