Jinoiy guruhni hibsga olish operasiyasi davomida Ispaniya polisiyasi fashistlardan qolgan buyumlar saqlanadigan joyni topdi.
Ushbu holat aks etgan videorolik polisiyaning “YouTube” kanalida e’lon qilindi.
Ta’kidlanishicha, qo‘lga olingan jinoiy guruh faoliyati Ispaniyaning janubiy Kosta-del-Sol mintaqasida qurol-yarog‘ savdosiga ixtisoslashgan.
Amaliyot natijasida Germaniyaning ikki va Buyuk Britaniyaning bir fuqarosi hibsga olingan.
Topilmalar ichida fashistlarning kiyimlari, bayroqlari va boshqa buyumlari qayd etilgan.
Bundan tashqari, 121 ta qurol, 22 ta avtomat va 8 ta boshqa ko‘rinishdagi qurollar ham topilgan.
