Islandiyaning Blue Lagoon turistik hududi seysmik faollik tufayli evakuasiya qilindi

Islandiya janubi-g‘arbidagi Blue Lagoon turistik hududi vulqon kraterlaridagi seysmik faollik tufayli evakuasiya qilindi.

Islandiyaning RUV telekanali ma’lumotlariga ko‘ra, Grindavik shahrida mahalliy vaqt bilan soat 06:30da seysmik tebranishlar qayd etilgan.

Vulqon otilishi ehtimolidan qo‘rqib, rasmiylar Blue Lagoon turistik hududini zudlik bilan evakuasiya qilishga qaror qildi.

Islandiya meteorologiya boshqarmasi ma’lumotlariga ko‘ra, seysmik faollik boshlanganidan beri mintaqada 200 dan ortiq zilzila qayd etilgan.