Iroq rasmiylari Bashar al-Assad rejimi qulashi arafasida mamlakatda boshpana topgan 1905 nafar suriyalik askar vataniga qaytarilganini e’lon qildi. Iroq Mudofaa vazirligi ma’lumotlariga ko‘ra, harbiylarning qurollari vaqtincha Iroq rasmiylari qo‘lida qolgan va u tuzilganidan keyin Suriyaning yangi hukumatiga o‘tkaziladi.
Iroq axborot agentligi tomonidan e’lon qilingan bayonotga ko‘ra, vataniga qaytarilganlar orasida al-Bukamal chegara punktida joylashgan ofiserlar va kichik ofiserlar ham bor. Harbiylar Suriyada ro‘y berayotgan tezkor voqealar tufayli 7 dekabr kuni Iroqdan boshpana so‘ragan.
«7 dekabr kuni suriyalik harbiy xizmatchilar, jumladan, al-Bukamal posti zobitlari, askarlari va chegarachilari Suriyadagi so‘nggi voqealar tufayli himoya so‘rab Iroqqa kirishdi», — deyiladi bayonotda.
Iroq harbiylari ularga rasmiy ruxsat olganidan keyin gumanitar sabablarga ko‘ra chegarani kesib o‘tishga ruxsat bergan.
Qariyb 25 yildan beri hokimiyatda bo‘lgan Bashar al-Assad rejimi 8 dekabr kuni muxolifat Damashqni nazoratga olganidan so‘ng quladi. Asadning o‘zi Rossiyadan boshpana olib, mamlakatni tark etgan.
Kelajakda Rossiya yangi hududlarni bosib oladi
Suriyaliklar pul to‘la qoplar bilan banklarga bostirib kirishmoqda
Suriyaning yangi rahbari Isroilga signal yubormoqda
