Iroq qirg‘oqlari yaqinida neft tankerlariga hujum qilindi, qurbonlar bor

Iroq janubida tankerlarga qilingan hujumlarda bir necha kishi halok bo‘ldi va boshqalar yaralandi.

Bu haqda Shafaq News xabar berdi.

Agentlik ma’lumotlariga ko‘ra, halok bo‘lganlar va yaralanganlar soni, shuningdek, ularning fuqaroligi aniqlanmoqda.

Iroq qirg‘oqlari yaqinida minalashtirilgan qayiq neft tankerlariga hujum qilgani haqida xabar berilgan.

Manbalarga ko‘ra, ilgari portlashlarga uchragan tankerlar minalashtirilgan qayiq bilan to‘qnashgan. Ba’zi ekipaj a’zolari halok bo‘lgan va yaralangan.

Tankerlarga qilingan hujumlar ortida kim turgani hozircha noma’lum.