Iordaniya so‘nggi besh oy ichida birinchi marta anklavdagi og‘ir gumanitar vaziyatni yumshatish uchun G‘azo sektori shimoliga gumanitar yordam jo‘natdi.
Iordaniya Harbiy havo kuchlarining ikkita C-130 samolyotida BMT agentliklari eng muhtoj va ocharchilikka duch kelgan hududlarga 6,6 tonna oziq-ovqat va zaruriy narsalarni yetkazib berdi.
Iordaniya qurolli kuchlari-Arab armiyasi bayonotiga ko‘ra, bu operasiya Iordaniyaning Falastin barqarorligini qo‘llab-quvvatlash va G‘azo sektorida davom etayotgan Isroil tajovuzi ta’sirini kamaytirishga qaratilgan sa’y-harakatlarining bir qismidir.
O‘tgan hafta BMT yordam rasmiysi G‘azo sektorida insonparvarlik yordamidan foydalanish juda muhim bosqichga yetganini, anklav shimolidagi qamaldagi hududlarga yetkazib berish deyarli imkonsiz ekanini aytdi.
Iordaniya qiroli Abdulloh II Isroilni yetkazib berishga to‘sqinlik qilayotganlikda aybladi va xalqaro hamjamiyatni yordamning uzluksiz kelishini ta’minlash uchun Isroilga bosim o‘tkazishga chaqirdi.
Iordaniya 2023 yil oktyabr oyida Isroil va HAMAS o‘rtasidagi urushdan beri G‘azo sektoridagi falastinliklarga gumanitar yordam kolonnalarini havodan tushirib, shuningdek, konvoylar jo‘natyapti.
Urush boshlanganidan beri Iordaniya armiyasi havo kuchlari ittifoqdosh davlatlar bilan hamkorlikda, G‘azoga 124 ta gumanitar yordam va 266 ta missiyani amalga oshirdi.
Fransiya ham ochiqchasiga Rossiyaga qarshi bosh ko‘tardi
Nemislar bir narsani bilishadi
Nima uchun Rossiya bu raketadan endi foydalandi?
