Internet orqali Xitoydan buyurtma qilsak, bojxonadan o‘tkazishadimi?

Bugun AOKA shtabida Davlat bojxona qo‘mitasi boshqarma boshlig‘i Farhod Olimjonov ishtirokida brifing o‘tkazildi.

Brifingda muhim savol va murojaatlar yuzasidan javob qaytarildi.

- Xitoyda ishlar qayta tiklangani sababli biz internet orqali narsa buyurtma qilsak, yetib keladimi? Bojxonadan o‘tkazishadimi?

- Jahon miqyosida tarqalish geografiyasi tobora kengayib borayotgan koronavirus infeksiyasining respublikamizga kirib kelishi va tarqalishining oldini olish maqsadida joriy yilning 1 fevralidan boshlab Xitoy Xalq Respublikasidan kirib keluvchi barcha turdagi pochta va kur’erlik jo‘natmalarini qabul qilish vaqtincha to‘xtatilgan.

Biroq 2020 yil 27 fevral kunidan boshlab Xitoy Xalq Respublikasidan faqatgina “O‘zbekiston pochtasi” AJ orqali kirib kelayotgan jo‘natmalarni qabul qilishga ruxsat etilgan.