Ingushetiyada sobiq polisiya boshlig‘iga suiqasd

Ingushetiyada Qorabuloq shahri polisiyasining sobiq boshlig‘iga suiqasd uyushtirildi.

Hujum 15 fevral kuni kechqurun viloyatning Sunjen tumanida sodir bo‘ldi. O‘sha paytda Ilez Nalgiyev qo‘riqchisi bilan o‘z mashinasi tomon yo‘l olayotgan edi.

U yaqin atrofda to‘xtab turgan "Lada" yonidan o‘tayotganida, mashinadan niqob taqqan noma’lum shaxs tushdi - uning qo‘lida ovoz so‘ndirgichli to‘pponcha bor edi. Nalgiyevni o‘limdan mo‘’jiza asrab qoldi: qotilning qurol zatvori tiqilib qoldi. Muvaffaqiyatsiz urinishdan so‘ng qotil "Lada"ga o‘tirdi, u yerda uni sheriklari kutib turishgan edi - keyinchalik ular mashinani yoqib yuborishdi.

Nalgiyev jarohat oldi, hozirda u shifoxonada davolanmoqda. Huquq-tartibot organlari jinoyatchilarni qidirmoqda.