Indoneziyada loy ko‘chkisi va suv toshqinlari oqibatida 13 kishi halok bo‘ldi

Shanba oqshomida Indoneziyaning Shimoliy Sumatra provinsiyasida ikki tumanni bosib, loy ko‘chkisi va suv toshqinlari oqibatida 13 kishi halok bo‘ldi, 18 kishi jarohatlandi, deb xabar beradi Xinhua axborot agentligi.

Bu haqda yakshanba kuni hududiy favqulodda vaziyatlar va uning oqibatlarini bartaraf etish agentligi vakili ma’lum qildi.

Agentlikning favqulodda vaziyatlar, asbob-uskunalar va logistika bo‘limi rahbari Shri Vaxyuni Panchasilavatining so‘zlariga ko‘ra, shanba kuni kechqurun Deliserdang va Karo hududlarida loy ko‘chkisi va suv toshqinlari sodir bo‘lgan. Deliserdangda suv toshqini to‘rtta uy va bir diniy binoni yuvib ketdi, olti kishi halok bo‘ldi, to‘qqiz kishi jarohatlandi.

Agentlik vakili, shuningdek, Karo tumanida sodir bo‘lgan ana shunday tabiiy ofatda yetti kishi halok bo‘lgani va to‘qqiz kishi jarohatlanganini qo‘shimcha qildi. Jarohatlanganlar yaqin atrofdagi shifoxona va poliklinikalarga yetkazilgan.

Indoneziya meteorologiya, iqlimshunoslik va geofizika agentligi ob-havo bo‘yicha jiddiy ogohlantirish e’lon qilib, mintaqada yog‘ingarchilik me’yoridan yuqori bo‘lishini taxmin qildi.

Mamlakat rasmiylari vaziyatni diqqat bilan kuzatib bormoqda va jabrlangan aholiga yordam berish va xavflarni kamaytirishga harakat qilmoqda.