16 oktyabr kuni Indoneziyaning Jakarta Composite asosiy fond indeksi 11,57 foizga pasayib, 5185,1 punktni tashkil etdi. Bu 1998 yil yanvaridan beri bir kun ichida qayd etilgan eng yirik pasayish bo‘ldi. Keskin tushish sababli birjadagi savdolar 30 daqiqaga to‘xtatildi. Bu haqda Bloomberg xabar berdi.
Bozordagi ommaviy sotuvlarga MSCI indeks provayderining Indoneziya fond bozori maqomini pasaytirish ehtimoli haqidagi ogohlantirishi sabab bo‘lgan.
MSCI Indoneziyani rivojlanayotgan bozorlar toifasidan mustaqil bozorlar (standalone) toifasiga o‘tkazish imkoniyatini ko‘rib chiqmoqda. Bunga aksiyalarga egalik qilish tuzilmasining shaffof emasligi, muvofiqlashtirilgan savdolarga oid shubhalar va tartibga soluvchi organlar nazoratining yetarli emasligi sabab sifatida ko‘rsatilgan.
Yakuniy qaror 2027 yil iyun oyida qabul qilinishi kutilmoqda. Mirae Asset Sekuritas Indonesia baholashiga ko‘ra, bozor maqomining pasaytirilishi taxminan 3 milliard dollarlik passiv investisiyalar chiqib ketishiga olib kelishi mumkin.
Indoneziya fond birjasi esa MSCI kompaniyasidan vaziyat yuzasidan qo‘shimcha tushuntirish berishni so‘rashni rejalashtirmoqda.
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
Ronalduning sevgilisi Messining oilasiga uchta so‘z bilan murojaat qildi
O‘zbekistonda uch qizdan keyin oila to‘rt nafar o‘g‘il farzand kutayotgani ma’lum bo‘ldi
