Husiylar Arab dengizi va Adan ko‘rfazida uchta kemaga hujum qildi

Yamanning “Ansor Allah” (husiylar) isyonchilar harakati uchta kemaga, jumladan Isroil va AQSh bilan aloqador deb hisoblagan kemalarga hujum qildi.

Bu haqda harakatning harbiy vakili Yahyo Sariya husiylarga tegishli Al Masirah telekanali efirida aytdi.

Uning so‘zlariga ko‘ra, harbiy-dengiz kuchlari va harakatning raketa kuchlari qo‘shma operasiya davomida “Arab dengizidagi Amerikaning Maersk Sentosa kemasiga” hujum qilgan. Harbiy so‘zlovchining ta’kidlashicha, "zarba to‘g‘ridan-to‘g‘ri va aniq bo‘lgan".