Isroil G‘azo sektorida bosqinchilik va qirg‘inbarot urushini boshlaganiga 377 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.
▪️Bosqinchilar G‘azo markazi, Jabaliya va Nusayrat lagerlariga hujum qildi. Urush boshlanganidan buyon 42409 kishi shahid bo‘ldi.
▪️G‘arbiy Sohilda bosqinchilar Falastin shaharlarida katta reydlar o‘tkazmoqda. Kichik yoshli qiz va bir yigit halok bo‘ldi. Nablusda janglar ketmoqda.
▪️Al-Qassam brigadalari Jabaliya lagerida bosqinchilar bo‘lgan binoni portlatib yubordi.
▪️Hizbulloh Kiryat Shmona, Hayfa va Safadga raketa hujumlarini uyushtirdi. Labun chegarasida ikkita "Merkava" tanki yo‘q qilindi.
▪️Bosqinchi havo kuchlari Livanning Baalbek va Bekadagi Al-Qasr, Sayyid Ali va Germash shaharlariga hujum qildi.
▪️AQSh va Buyuk Britaniya birinchi marta B2 Spirit bombardimonchi samolyotlaridan foydalangan holda Yaman poytaxtiga 9 marta zarba berdi.
▪️Husiylar: Amerika o‘z tajovuzi uchun badal to‘laydi, bizning G‘azo va Livanga nisbatan pozisiyamiz esa o‘zgarishsiz qolmoqda.
▪️Suriya OAV: Isroil Latakiya shahriga zarbalar berdi.
▪️BMTning Livandagi muvaqqat kuchlari: Tinchlikparvarlarimiz yana Livan janubida Isroil tankidan to‘g‘ridan-to‘g‘ri o‘qqa tutildi.
▪️Iroq qarshilik kuchlari dronlar yordamida Um Rashrashga (Eilat - ibroniycha) hujum qildi.