"Hizbulloh" Isroil qo‘shinlarining Livanga o‘tganini rad etadi

Isroil o‘z kuchlari u yerda «cheklangan» reydlar o‘tkazayotganini aytganidan keyin "Hizbulloh" Isroil kuchlari janubiy Livanga o‘tganini rad etdi.

«Sionistlarning [Isroil] ishg‘ol kuchlari Livanga kirgani haqidagi barcha da’volari yolg‘ondir», dedi "Hizbulloh"ning OAV bilan aloqalari rasmiysi Muhammad Afif Al-Jaziraga.

Uning qo‘shimcha qilishicha, “[Hizbulloh] qarshilik jangchilari va [Isroil] ishg‘ol kuchlari o‘rtasida hali to‘g‘ridan-to‘g‘ri quruqlikdagi to‘qnashuvlar bo‘lmagan.

«Bizning jangchilarimiz Livanga kirishga jur’at etgan yoki kirishga uringan dushman kuchlariga qarshi turishga tayyor», dedi u.