Hindiston Trampning tahdidlaridan keyin Rossiya neftiga muqobil variant izlamoqda

Hindiston Trampning tahdidlaridan keyin Rossiya neftiga muqobil variant izlamoqda. Bu haqda Bloomberg xabar berdi.

Hindistonning Bharat Petroleum va Hindustan Petroleum davlat korporasiyalari may oyida Yaqin Sharq, Shimoliy dengiz va O‘rta yer dengizidan neft yetkazib berish ustida ishlamoqda, deb tender haqida ma’lumot olgan mahalliy treyderlarga tayanib xabar bermoqda Bloomberg nashri. "AQSh prezidenti rus nefti xaridorlari uchun yangi sanksiyalar joriy etish bilan tahdid qilgani sababli, xind kompaniyalari Rossiyaga qaramlikni kamaytirishga intilmoqda", deb yozadi agentlik.

Avvalroq Tramp Moskva Ukrainada o‘t ochishni to‘xtatishga to‘sqinlik qilsa, butun Rossiya neftiga ikkilamchi bojlar joriy etishga va’da bergandi.

AQSh prezidentining so‘zlariga ko‘ra, gap 25-50 foizlik bojlar haqida ketmoqda, ular istalgan vaqtda joriy etilishi mumkin va agar o‘t ochishni to‘xtatish to‘g‘risida kelishuv tuzilmasa, bir oy ichida kuchga kiradi. Biroq, Tramp Putin uchun aniq bir muddatni belgilagani yo‘q.