Gvardiola: "Abduqodir u yerda o‘ynay oladimi, bilmayman"

"Manchester Siti" bosh murabbiyi Xosep Gvardiola safdan chiqqan Manuel Akanjining o‘rnini kim egallashi mumkinligini aytdi.

"Shaharliklar" shveysariyalik futbolchini Chempionlar Ligasining so‘nggi turida "Real"ga qarshi o‘yinda olgan jarohati tufayli uzoq vaqtga yo‘qotdi.

"Menda Riko Lyuis, Mateus Nunyes variantlari bor. Abduqodir Husanov u yerda o‘ynab, bizga yordam bera oladimi, bilmayman. Bu bizning qanday harakat qilishimiz, qanday hujum qilishimiz va himoyalanishimizga bog‘liq bo‘ladi. Ko‘ramiz," - deya ispaniyalik murabbiyning javobini keltiradi City Xtra.