Gruziyaning sobiq prezidenti Mixail Saakashvilining yuzlab tarafdorlari Gruziyaning yirik shaharlarida, jumladan Tbilisida ham namoyishga yig‘ilib, rasmiylardan sudlangan sobiq davlat rahbarini xorijda davolanish uchun qo‘yib yuborishni talab qilishmoqda.
Miting ishtirokchilari qo‘llarida "Vivamed" klinikasida yotgan Saakashvilini ozod etish talablari yozilgan plakatlarni ushlab turibdi. Ularning so‘zlariga ko‘ra, Saakashvilining ahvoli shunchalik og‘irki, agar rasmiylar uni tezroq xorijga qo‘yib yubormasa, vafot etishi mumkin. Voqea joyida huquq-tartibot idoralari xodimlari navbatchilik qilmoqda, namoyish tinch tartibda o‘tmoqda.
Saakashvilining yaqinlari va advokatlari uning qamoqxonada oziq-ovqat va gigiyena vositalariga qo‘shilgan turli zararli moddalar bilan zaharlanayotganini bir necha bor ta’kidlagan. Sobiq prezidentning tibbiy tahlillari sog‘ligida jiddiy muammolar borligini ko‘rsatdi.
