Grenlandiya bosh vaziri: "AQShning bir qismi bo‘lishni xohlamaymiz"

Grenlandiya AQSh tarkibiga kirishni istamaydi, biroq hamkorlikni mustahkamlashga tayyor. Bu haqda avtonom viloyat bosh vaziri Mute Egede Fox News telekanaliga bergan intervyusida ma’lum qildi.

"Biz amerikalik bo‘lishni xohlamaymiz, Amerika Qo‘shma Shtatlarining bir qismi bo‘lishni xohlamaymiz, lekin biz Qo‘shma Shtatlar bilan mustahkam hamkorlikni xohlaymiz" - dedi bosh vazir. Mute Egede Grenlandiya har doim NATOning bir qismi bo‘lishiga ishontirdi.

Uning ta’kidlashicha, Grenlandiya Vashingtonga juda ko‘p narsalarni taklif qiladi, shuning uchun orol AQShning resurs qazib olish sarmoyasiga tayyor.