Gonkong Interpol bilan bog‘landi

Gonkong polisiyasi JPEX kripto birjasining 179 million dollardan ortiq o‘g‘irlangan aktivlarini topish va muzlatish uchun Interpol bilan bog‘landi.

Bu haqda manbalarga tayanib South China Morning Post (SCMP) xabar berdi.

Materialda ta’kidlanganidek, polisiyaga firibgarlardan jabrlanganlardan 2260 dan ortiq murojaat kelib tushgan, 11 nafarga yaqin shaxs qo‘lga olingan.

Gazetaning yozishicha, Gonkong polisiyasi investorlardan 179 million dollardan ortiq o‘g‘irlangan moliyaviy firibgarlik bilan bog‘liq kriptovalyutani qo‘lga olish uchun Interpolga murojaat qilgan.