Germaniyaning uchta hududida rossiyaparast partiyalar navbatdagi mintaqaviy saylovlarda g‘alaba qozonishi mumkin

Germaniyaning uchta hududida rossiyaparast partiyalar navbatdagi mintaqaviy saylovlarda g‘alaba qozonishi mumkin. Bu haqda Politico xabar berdi.

O‘ng qanot “Germaniya uchun muqobil” partiyasi Brandenburg, Saksoniya va Tyuringiyadagi mahalliy saylovlarda birinchi o‘rinni egallash uchun barcha imkoniyatlarga ega. Agar shunday bo‘ladigan bo‘lsa, g‘arbiy va sharqiy Germaniya o‘rtasidagi farqlar yo‘qolmagani ma’lum bo‘ladi. Bu Moskva “Sovuq urush” davrida hukmronlik qilgan mamlakatning sharqiy qismlarida yana mustahkam o‘rin egallashini bildiradi.

Nashrning yozishicha, o‘ta o‘ng va o‘ta so‘l partiyalarning taxminiy muvaffaqiyatlari Putinning shaxsiy g‘alabasi bo‘ladi. “Germaniya uchun muqobil” partiyasi va Kreml o‘rtasidagi aloqalar tasdiqlangan. Iyun oyi boshida Germaniya rasmiylari partiya nomzodlaridan biri ishtirok etgan Rossiyaga aloqador operasiyani fosh qilgan edi. Shuningdek, “Germaniya uchun muqobil” partiyasidagi ko‘plab yuqori martabali shaxslar Putin rejimiga hamfikr ekanliklarini yashirishmayapti.