Germaniyadagi harbiy ob’ektda velosipedda yurgan rossiyalik qo‘lga olindi

Germaniyaning Gardelegen shahridagi harbiy o‘quv markazi hududida velosipedda ketayotgan rossiyalik qo‘lga olindi.

Bu haqda Business Insider'ga tayanib, "RIA Novosti" yozmoqda.

"Shaxsiy ma’lumotlar aniqlanganda, erkakning Rossiya fuqaroligi borligi ma’lum bo‘ldi. U tasodifan hududga tushib qolganini aytdi", — deyiladi materialda.

Ta’kidlanishicha, markaz hududi o‘ralgan emas, balki to‘siqlar va ogohlantiruvchi belgilar bilan o‘rnatilgan.

Erkak ozod qilindi. Biroq, Germaniya qurolli kuchlari bu josuslikka urinish bo‘lishi mumkinligini istisno qilmadi.