Germaniya tashqi ishlar vaziri Annalena Berbok kecha AQSh va Ukraina prezidentlari Donald Tramp va Vladimir Zelenskiyning janjal bilan yakunlangan uchrashuviga izoh berar ekan, jinoyatchi va qurbon rollarini almashtirish hech qachon maqbul bo‘lmasligini ta’kidladi.
Bizning hayratimiz avvalgidan ham kuchliroq. Yangi shafqatsizlik davri boshlandi. Jinoyatchi va jabrlanuvchi rollarini almashtirish hech qachon to‘g‘ri bo‘lmaydi va hech qachon yaxshi kelishuv bo‘la olmaydi. Bunday o‘zgarish xalqaro huquqning tugashini anglatadi. Hech kim dushman kim ekanligida adashmasligi kerak. U Kiyev yoki Bryusselda emas, Kremlda o‘tiribdi," - dedi Berbok.
Vazir Yevropadan Ukrainaga tezkor ravishda ko‘proq yordam berishni talab qildi. Uning harakatlar dasturi quyidagi bandlardan iborat: Bundestag darhol 3 milliard yevroni ajratishi kerak; kelgusi payshanba kuni bo‘lib o‘tadigan Yevropa Ittifoqi sammitida Ukraina uchun "keng qamrovli Yevropa moliyaviy kelishuvi" imzolanishi lozim; Germaniya Fransiya, Buyuk Britaniya va Polsha bilan "elkama-elka" harakat qilishi lozim:
"Oramizda hech qanday nomuvofiqlik bo‘lmasligi kerak. Yevropa kengashida umumiy Yevropa mudofaa qobiliyatimizga keng ko‘lamli sarmoyalar kiritish bo‘yicha qarorlar qabul qilinishi shart." Germaniyada qo‘shimcha moliyaviy mablag‘lar ajratish uchun "qarz to‘xtatgichini tubdan isloh qilish" masalasini tezlik bilan muhokama qilish zarur. "Germaniya kutib tura olmaydi. Butun dunyo, ayniqsa Yevropa bizga ko‘z tikmoqda," deya ta’kidladi vazir.
Ruslar Putinga qarshi chiqdi
Rossiya qurilish maydonlarida O‘zbekiston, Tojikiston va Qirg‘iziston muhojirlarini o‘rnini egallaydigan millat paydo bo‘ldi
Zelenskiy Bolgariyadagi eng katta qabriston direktori etib tayinlandi
