Germaniyada jamoat joylarida pichoq olib yurish taqiqlanadi

Zolingenda sodir bo‘lgan teraktdan so‘ng Germaniyada jamoat joylarida pichoq olib yurish taqiqlanadi.

Bu haqda Germaniya Ichki ishlar vaziri Nensi Fezer ma’lum qildi.

Fezer, shuningdek, mamlakatda noqonuniy migrasiya ustidan nazoratni kuchaytirish bo‘yicha qator choralar ko‘rilishini bildirdi.

"Festivallarda, sport tadbirlarida va shunga o‘xshash yig‘ilishlarda sovuq qurollarga joy yo‘q, shuning uchun pichoq taqiqlanadi. Aktyorlar va oshpazlar kabi professional sabablarga ko‘ra pichoqlardan foydalanishga ehtiyoji bo‘lganlar uchun istisnolar qilinadi", — deya aniqlik kiritdi Germaniya Ichki ishlar vaziri.