Germaniya sharqida o‘quv parvozi chog‘ida harbiy vertolyot qulashi oqibatida kamida ikki kishi halok bo‘ldi.
Bu haqda Germaniya mudofaa vaziri Boris Pistoriusga tayanib, DPA agentligi xabar berdi.
Unga ko‘ra, bir kishi bedarak yo‘qolgan. Gap Bundesver (Germaniya Qurolli Kuchlari) tomonidan boshqariladigan vertolyot haqida ketmoqda.
Hodisa Saksoniya federal shtatining Grimma shahri yaqinida yuz berdi. Guvohlarning so‘zlariga ko‘ra, vertolyot qoldiqlari Mulde daryosidan topilgan. Halokat sodir bo‘lgan joyda harbiy xavfsizlik zonasi yaratildi. Bundesver xodimlari voqea joyida qutqaruv va tergov ishlarini olib borishdi.
O‘t o‘chirish xizmati vakilining so‘zlariga ko‘ra, halokat natijasida katta miqdorda kerosin ajralib chiqqan, vertolyot qoldiqlari daryo o‘rtasida va unga kirish qiyin. Voqea joyida 50 ga yaqin favqulodda qutqaruv xodimlari ishlamoqda.
Maktablarda 1 sentyabrdan smartfondan foydalanish taqiqlanadi
AQSh Kongressiga nomzod Valentina Gomes Qur’onni yoqib yubordi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
