Germaniyada bankrotlik holatlarining keskin o‘sishi qayd etildi: 2024 yil oktabr oyida to‘lovga layoqatsizligi to‘g‘risidagi arizalar soni o‘tgan yilning oktabriga nisbatan 22,9 foizga oshdi, deb xabar bermoqda Federal statistika boshqarmasi. Ushbu tendensiya so‘nggi bir necha oy ichida davom etdi.
«Yuqori energiya xarajatlari, malakali kadrlar etishmasligi, ortiqcha soliq va byurokratik bosim - bularning barchasi kompaniyalarning moliyaviy ahvolini yomonlashtiradi», deydi kichik biznes eksperti Mark Evers Bild bilan suhbatda.
Tahlilchilarning prognozlariga ko‘ra, 2024 yilda Germaniyada korporativ bankrotlik holatlari soni 20 mingdan oshadi.
Halle Iqtisodiy Tadqiqotlar Instituti professori Stefan Myullerning tushuntirishicha, ko‘plab kompaniyalar uchun vaziyat ular davlatdan yordam olishni to‘xtatgandan so‘ng og‘irlashdi.
«Biz uzoq davom etgan iqtisodiy tanazzul va ko‘tarilgan xarajatlar oqibatlarini ko‘ryapmiz. Pandemiya davrida past foiz stavkalari va davlat tomonidan qo‘llab-quvvatlangan davrda omon qolgan kompaniyalar hozir qattiq bosim ostida», dedi u.
Inqirozdan eng ko‘p zarar ko‘rganlar transport va logistika sohalari bo‘ldi. Shuningdek, mehmonxona va restoran biznesi va qurilish sohasida bankrotliklarning yuqori ko‘rsatkichlari qayd etilgan.
Buyuk Britaniya Putinga «eng zamonaviy» qanotli raketalar bilan xabar yubordi
Gurulev AQShni yadroviy kulga aylantirmoqchi
Eron yetakchisi Ali Xomanaiy komada
