Shimoliy dengiz sohilidagi Bremerxafen porti 1,35 milliard yevrolik modernizasiyadan o‘tyapti. Germaniyaning 2026 yilgi byudjetida ko‘zda tutilgan ushbu chora Berlinning ehtimoliy urushga tayyorgarlik ko‘rish bo‘yicha keng ko‘lamli harakatlarining bir qismidir, deb yozmoqda Bloomberg agentligi.
Evropadagi eng yirik avtomobil portlaridan birini modernizasiya qilishdan maqsad — harbiy texnikalarni tashish imkoniyatini ta’minlash uchun yuk ortish ko‘priklarini kuchaytirishdir.
Agentlikning qayd etishicha, Yevropaga hujum qilingan taqdirda, Germaniya o‘zining joylashuvi va resurslari bilan qo‘shinlarni ta’minlashda strategik ahamiyat kasb etadi.
Germaniya Qurolli kuchlari BLG Logistics kabi xususiy sektor kompaniyalaridan yordam so‘ramoqda. Biroq, Bundesver tezkor ommaviy mobilizasiya uchun zarur bo‘lgan miqyosdagi davlat-xususiy sheriklikka hali tayyor emas, chunki Ikkinchi jahon urushidan keyin fuqarolik va harbiy tuzilmalar bir-biridan qat’iy ajratilgan edi.
"Biz chindan ham paradigmalar o‘zgarishini anglatuvchi jarayonlarni boshladik", — dedi Germaniya mudofaa vaziri Boris Pistorius 22 aprel kuni mamlakatning yangi harbiy strategiyasini taqdim etar ekan.
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
AQShda Rossiyaning T-72 tanki dunyodagi eng yaxshi tanklardan biri deb topildi
Oq uy bayonoti: Eron bilan urush rasman «yakunlandi»
